Llawysgrifau J.J., Ty'nybraich, Dinas Mawddwy

Bardd gwlad o'r iawn ryw oedd J.J., ffrwyth uniongyrchol yr hen gyfarfodydd llenyddol. Os nad oedd yn nosbarth blaenaf beirdd ei gyfnod, yr oedd yn uchel iawn yn yr ail; brithir tudalennau'r Cymru a'r Geninen â'i awdlau a'i englynion. Yr oedd gofalon ffermwr pur fawr arno, fel y tystia ei ddyddiaduron (3233-3255). Yr oedd hefyd yn Annibynnwr selog, bywiog gyda'r Ysgol Sul, ac yn hoff o gadw cofnodion am ei chychwyn a'i gyrfa ym Mawddwy. Prin y gellir dywedyd iddo ef a'i deulu gael cyfiawnder ar ran awduron Hanes yr Eglwysi (1,425-430), na chan Thomas Davies (Tecwyn) yn ei waith ar Dinas Mawddwy (1893), td. 92-97. Prawf adroddiadau Ebeneser y Dinas sydd yn y Llyfrgell hon wr mor dda a defnyddiol ydoedd J.J. yn y cylch crefyddol. Ef a etholwyd yn Gynghorwr Sir (y Cyntaf) dros Fawddwy yn 1889; a chredaf yn sicr ei fod yn Ynad Heddwch yn ei flynyddoedd olaf.

Another catalogue description can be found here https://archiveshub.jisc.ac.uk/data/gb222-bmssjj