Papurau Meic Povey,

Papurau Meic Povey, 1966-2008, yn cynnwys sgriptiau, 1969-2007; llyfrau nodiadau, 1988-2005; astudiaethau o'i waith, 1988-[1999]; deunydd printiedig, 1968-2007; rhaglenni theatr, 1966-2008; a pheth gohebiaeth, 1968-2008. = Papers of Meic Povey, actor and dramatist, comprising scripts, 1969-2007; notebooks, 1988-2005; studies of his work, 1988-[1999]; printed material, 1968-2007; theatre programmes, 1966-2008; and some personal and work-related correspondence, 1968-2008.

Ganwyd Meic Povey, actor a dramodydd, yn 1950 ac fe'i magwyd yn Nant Gwynant, Eryri. Mynychodd Ysgol Nant Gwynant ac yna Ysgol Garndolbenmaen wedi i'r teulu symud i fyw yno pan oedd yn un ar ddeg mlwydd oed. Derbyniodd ei addysg uwchradd yn Ysgol Porthmadog. Yn bymtheg oed, fe adawodd ysgol i weithio am ddwy flynedd fel clerc o fewn swyddfa cyfreithwyr yng Nghricieth. Yn 1968, ymunodd Meic Povey â Cwmni Theatr Cymru. Bu'n teithio gyda'r cwmni am dair blynedd yn gweithio ar amryw o brosiectau hyd nes iddo symud i Gaerdydd yn 1971. Ymbriododd â'i wraig Gwenda yn 1985.
Rhwng 1974 ac 1977, gweithiodd i'r BBC fel golygydd sgriptiau o dan gyfarwyddyd Gwenlyn Parry ac yn ystod y cyfnod hwn bu'n gyfrifol, ymysg eraill, am lunio cyfresi cyntaf Pobol y Cwm. Ers hyn, bu'n ysgrifennu yn bennaf ar ben ei hun ar gyfer y teledu a'r theatr, yn y Gymraeg a'r Saesneg.
O ran actio, bu'n gweithio ar y gyfres deledu boblogaidd Minder rhwng 1982 ac 1989. Mae hefyd wedi ymddangos o fewn sawl cynhyrchiad Cymraeg, gan gynnwys Sul-y-Blodau (1986) a Yr Enwog Wmffre Hargwyn (1992).
Caiff Meic Povey ei ystyried yn un o ddramodwyr mwyaf cynhyrchiol Cymru. Ymysg ei weithiau mae'r ffilm deledu Y Weithred (1995), a dramâu megis Perthyn (1987), Wyneb yn Wyneb (1993), Tair (1998) a Life of Ryan...and Ronnie (2005). Enillodd wobr Bafta Cymru am y sgript orau yn 1991 am ei ffilm Nel, ac eto yn 2005 am y gyfres deledu Talcen Caled.

Trefnwyd yn LlGC yn chwe chyfres: sgriptiau, llyfrau nodiadau, astudiaethau o waith Meic Povey, deunydd printiedig, rhaglenni theatr a gohebiaeth.

Disgwylir i ddarllenwyr sydd am ddefnyddio papurau modern yn Llyfrgell Genedlaethol Cymru gydymffurfio â'r amodau a nodir ar y ffurflen 'Papurau modern - gwarchod data' a gyflwynir iddynt gyda'u tocynnau darllen.

Meic Povey; Caerdydd; Rhodd; Medi 2007, Mehefin 2008 ac Ebrill 2011; 4528321.

Ganwyd Meic Povey, actor a dramodydd, yn 1950 ac fe'i magwyd yn Nant Gwynant, Eryri. Mynychodd Ysgol Nant Gwynant ac yna Ysgol Garndolbenmaen wedi i'r teulu symud i fyw yno pan oedd yn un ar ddeg mlwydd oed. Derbyniodd ei addysg uwchradd yn Ysgol Porthmadog. Yn bymtheg oed, fe adawodd ysgol i weithio am ddwy flynedd fel clerc o fewn swyddfa cyfreithwyr yng Nghricieth. Yn 1968, ymunodd Meic Povey â Cwmni Theatr Cymru. Bu'n teithio gyda'r cwmni am dair blynedd yn gweithio ar amryw o brosiectau hyd nes iddo symud i Gaerdydd yn 1971. Ymbriododd â'i wraig Gwenda yn 1985.
Rhwng 1974 ac 1977, gweithiodd i'r BBC fel golygydd sgriptiau o dan gyfarwyddyd Gwenlyn Parry ac yn ystod y cyfnod hwn bu'n gyfrifol, ymysg eraill, am lunio cyfresi cyntaf Pobol y Cwm. Ers hyn, bu'n ysgrifennu yn bennaf ar ben ei hun ar gyfer y teledu a'r theatr, yn y Gymraeg a'r Saesneg.
O ran actio, bu'n gweithio ar y gyfres deledu boblogaidd Minder rhwng 1982 ac 1989. Mae hefyd wedi ymddangos o fewn sawl cynhyrchiad Cymraeg, gan gynnwys Sul-y-Blodau (1986) a Yr Enwog Wmffre Hargwyn (1992).
Caiff Meic Povey ei ystyried yn un o ddramodwyr mwyaf cynhyrchiol Cymru. Ymysg ei weithiau mae'r ffilm deledu Y Weithred (1995), a dramâu megis Perthyn (1987), Wyneb yn Wyneb (1993), Tair (1998) a Life of Ryan...and Ronnie (2005). Enillodd wobr Bafta Cymru am y sgript orau yn 1991 am ei ffilm Nel, ac eto yn 2005 am y gyfres deledu Talcen Caled.

Crëwyd y teitl ar sail cynnwys yr archif.

Tachwedd 2008.

Lluniwyd y disgrifiad gan Rhian Lyn James. Defnyddiwyd y ffynonellau canlynol wrth lunio'r disgrifiad hwn: Cydymaith i Lenyddiaeth Cymru (Caerdydd; 1997), ac eitemau o fewn yr archif;

Amodau hawlfraint arferol.

Action: Cadwyd yr holl gofnodion a roddwyd i'r Llyfrgell.

Mae ychwanegiadau yn bosibl.

Ceir tapiau sain a fideo o ddarllediadau dramâu Meic Povey (radio a theledu) yn Archif Genedlaethol Sgrîn a Sain Cymru yn LlGC. Trosglwyddwyd traethawd A. M. Davies, Astudiaeth o ddramâu teledu unigol Meic Povey (Bangor, M.A., 2007), i gasgliad traethodau Prifysgol Cymru LlGC.

Published